ساندويتش البيض مع الجبن الخردل | Egg sandwitch with cheese and musterd
💙اهلين بنات .. وشلونكم؟ إن شاء الله تكونون بخير
بالبدايه ابغى اقولكم انا مو طباخه لكن الطبخ بالنسبه لي متعه ومن وقت لوقت احب اطبخ .. طبخاتي غالبا تكون اشياء بسيطه وسهله .. فالطباخات اللي يتابعوني احب اقولكم انا هاويه مو محترفه.
.اليوم ان شاء الله راح اعطيكم وصفه بسيطه لكن المميز فيها طريقة تقديمها وخلط النكهتين البيض مع الخردل
🍴 .. المكونات
خبز توست (ابيض او بر) .. بيضه .. جبن شرائح .. خردل (اخترته بالبهارات الحاره)
🍳 .. الطريقة
اول خطوه نشغل الفرن من فوق بس وبعدها بملعقة اكل نحاول نسوي حفره بوسط الخبزه ولكن انتبهوا لاتنحفون الطبقه مره عشان مايطلع منها البيض
بعد كذا نكسر البيضه ونحطها داخل التجويف او الحفره اللي سويناها(احيانا تحتاجون تشيلون شوي من البياض عشان )مايطلع برا
بياض البايض الزايد بكميه بسيطه ادهنوا فيه التوست من فوق.
بعدين نحطها بصينيه تتحمل الحراره وندخلها الفرن مافيه وقت محدد (مايزيد عن ٥ دقايق..ولكن يعتمد على حرارة الفرن) انتم شيكوا عليها كل شوي وممكن تتاكدون من استوائها بشوكه او عود تدخلونه عشان تتاكدون انها استوت من جوا.
لما استوت استواء كامل تقريبا حطيت عليها شريحة الجبن ورجعت دخلتها لمدة دقيقه او اقل بس عشان يذوب الجبن
💙اخر خطوه نحط عليها الخردل ونقدمها .. وبالعافيه
💙القاكم بخير في موضوع جديد ان شاء الله
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق